Littera passus Luca de Tollentis

Tivoli, 8. kolovoza 1461.

SIGNATURA: AAV, Reg. Vat. 481, f. 72v.
TRANSKRIPCIJA (slika 1):

[marg. sin. :] G. de Piccolominibus
PIVS etc. Vniuersis et singulis etc. Cum dilectus filius Lucas de Tolentis archidiaconus Corzulen., litterarum apostolicarum abreuiator ad presens nuntius noster in partes Bosne ad diuersas mundi partes pro nostris et Romane Ecclesie ac Sedis Apostolice arduis negotiis se conferre habeat, nos volentes etc. ut in forma. Pro octo personis presentibus post biennium minime duraturis. Datum Tibure, anno etc. MCCCCLXI°, sexto Idus augusti anno tercio.

                                                                                  De Curia.

                                                                                  Jo. de Tartarinis

Apostolska dozvola Luki de Tollentis
podjele oružja, novca i ostalih dobara potrebitima

Dozvola Luki DE TOLENTIS, arhiđakonu Korčulanskoga katedralnoga kaptola, nunciju pape Pija II. i Apostolske Stolice u Bosanskome kraljevstu, da potrebnima podijeli oružje, novac i ostala dobra sakupljena u Dalmaciji, Istri i zemljama pod vlašću  senjskih kneževa Stjepana i njegove braće za križarsku vojnu protiv Osmanlija, čija je vojska već započela zauzimati dijelove Bosanskoga kraljevstva.

Roma, 24. travnja 1462.

SIGNATURA: AAV, Reg. Vat. 485, f. 248r-v.
TRANSKRIPCIJA (slika 2. i 3.):

[marg. sin. :] G. de Piccolominibus
PIVS etc. Dilecto filio Luce de Tolentis, archidiacono ecclesie Corzulen., nostro et Apostolice Sedis nuntio, salutem etc. Cupientibus proximis temporibus impiorum Christi hostium Turchorum prouincias, terras et loca christiana inuadentium iuxta nostram possibilitatem ipsis christianis taliter subuenire ut rabies et insolentia dictorum Turchorum refrenetur et illis celerius subsidium prestetur, quibus maius imminet periculum, et quando, ut nobis pridem relatum est, dictorum Turchorum exercitus in Regno et partes Bosne se uice(iure/ uire ?) cepit, nobisque significatum extitit in Dalmatia et Hystria ac in dominiis et locis dilectorum filiorum nobilium uirorum Stephani et fratrum comitum Segnien., et aliis partibus conuicinis esse nonnulla arma, pecunie et bona quibus dicto Regno in parte consulere possemus ex predicatione cruciate colecta, que innutiliter uetustate consumuntur, quia uolumus ac tibi horum serie commictimus et mandamus arma pro cruciata bonaque alia huiusmodi collecta et que tibi concedentur ad id exigas et quecunque ex collectoris huiusmodi inibi uel alibi per christifideles pignorata exigi facias aut uendas, prout tibi rerum condicio et temporis oportunitas incumbere uidebunt. Uolumus insuper tibique ut illis qui ad subsidium huiusmodi cruciate arma, pecunias et bona donarunt, gratias concessas confirmes harum serie condecimus facultatem, ac illis qui propria bona exigere uoluerint que per ipsos pignorata fuerunt etiam eis aliquam pericula dictarum rerum prout discrecioni tue uidebitur relaxes et dimitens, mandantes tibi nihilominus ut illis qui gratias habuerint et non soluent tempus ad soluendum prefigas et si infra illud non persoluerint gratias eis concessas huiusmodi nullius esse roboris uel momenti auctoritate nostra declares, reliquuum uero dictarum pecuniarum et armorum in aliquo tuto loco ad nostras et Sedis Apostolice rquisitionem seruanda deponas, que in subsidium Regni Bosne aut ubi magis necessitas incumbere uidebitur pro tuitione fidei ortodoxe contra infideles concedimus. Datum Rome apud Sanctum Petrum, anno etc. MCCCCLXII, octauo Kalendas Maii pontificatus nostri anno quarto.

                                                                               De Curia

S. De Spada

Posita quinterno primo de Curia loco suo hic per errorem.